Gold Silver Price | आठवड्याभरामध्ये सोने सहा हजारांनी तर चांदी १७,२०० रुपयांनी स्वस्त! 
कोल्हापूर

Gold Silver Price | आठवड्याभरामध्ये सोने सहा हजारांनी तर चांदी १७,२०० रुपयांनी स्वस्त!

पुढारी वृत्तसेवा

कोल्हापूर : जागतिक बाजारपेठेतील घडामोडी आणि अमेरिकन डॉलरच्या मजबुतीमुळे सराफ बाजारात सोने आणि चांदीच्या दरात मोठी घसरण झाली आहे. गेल्या आठवडाभरात (१३ ते १९ नोव्हेंबर) २४ कॅरेट शुद्ध सोने प्रति दहा ग्रॅम ६ हजार रुपयांनी स्वस्त होऊन १ लाख ३४ हजार रुपयांवर आले आहे. तर चांदीच्या दरात तब्बल १७ हजार २०० रुपयांची घट होऊन दर १ लाख ६६ हजार रुपये प्रति किलोवर स्थिरावले आहेत.

शुक्रवारी (१३ नोव्हेंबर) १ लाख ४० हजार रुपये असलेले सोने रविवारी १ लाख ४० हजार २०० रुपयांवर गेले होते. मात्र, सोमवारपासून घसरण सुरू होऊन गुरुवारी सोने थेट १ लाख ३४ हजार रुपयांवर आले.

चांदीही शुक्रवारी असलेल्या १ लाख ८३ हजार २०० रुपयांवरून घसरत १ लाख ६६ हजारांवर आली आहे. लग्नसराईच्या तोंडावर झालेल्या या घसरणीमुळे ग्राहकांना मोठा दिलासा मिळाला आहे.

आठवडाभरातील दराचा प्रवास (१३ ते १९ नोव्हेंबर)

सोने (प्रति १० ग्रॅम) : १,४०,००० रुपयावरून घसरत गुरुवारी १,३४,००० रुपयावर आले. (एकूण ६,००० ने स्वस्त)

चांदी (प्रति किलो) : १,८३,२०० रुपयावरून घसरत गुरुवारी १,६६,००० रुपयावर आली. (एकूण १७,२०० ने स्वस्त)

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

SCROLL FOR NEXT