कोल्हापूर : १) राजारामपुरीत झालेल्या हाणामारी प्रकरणातील जखमीला सीपीआरमध्ये नेताना पोलिस. २) हल्लेखोर तरुणास पोलिसांनी ताब्यात घेतले.  (छाया : पप्पू अत्तार )
कोल्हापूर

Rajarampuri Two Group Clash | ‘माझ्याकडे का बघितलेस’ असा जाब विचारत राजारामपुरीत दोन गटांत राडा

तरुणावर कोयत्याने हल्ला; सीपीआर परिसरात तणाव

पुढारी वृत्तसेवा

कोल्हापूर : माझ्याकडे का बघितलेस असा जाब विचारत राजारामपुरी सातवी गल्ली येथे दोन गटांत राडा झाला. आशुतोष उमेश भोरे (वय २२, रा. राजारामपुरी ४ थी गल्ली) जखमी झाला. या घटनेचे पडसाद सीपीआर रुग्णालयातही उमटले, उपचारासाठी सीपीआर रुग्णालयात गेलेले दोन्ही गट पुन्हा भिडल्यामुळे परिसरात तणाव निर्माण झाला. महाराष्ट्र सुरक्षा बलाच्या कर्मचाऱ्यांनी वेळीच हस्तक्षेप केल्याने अनर्थ टळला. बुधवारी सायंकाळी ४ ते ५ वाजण्याच्या सुमारास या घटना घडल्या.

बुधवारी सायंकाळी ४ वाजण्याच्या सुमारास आशुतोष भोरे मित्रासोबत राजारामपुरी सातव्या गल्लीत चहा पित थांबला होता. या ठिकाणी स्वरूप हातलगे, अजय हातलगे, संतोष रजपूत व वैभव बुचडे (सर्व रा. टेंबलाईवाडी) हे आले होते. यावेळी आशुतोष आणि हातलगे यांच्यात एकमेकांकडे बघण्यावरून वाद झाला. दोन्ही बाजूंनी एकमेकांवर वीट, दगड फेकण्यात आले. हातलगे टोळक्याने आशुतोषवर धारदार शस्त्राने हल्ला केला. यामध्ये त्याच्या डोक्यास गंभीर दुखापत झाली. या घटनेची नोंद राजारामपुरी पोलिस ठाण्यात झाली.

सीपीआरमध्येही दोन गट भिडले

जखमींना उपचारासाठी सीपीआरमध्ये नेले असता, दोन गट भिडले. यावेळी दोन्ही गटांचे समर्थक तरुण आमने-सामने आल्याने शाब्दिक चकमक झाल्याने जोरदार हाणामारी झाली. सीपीआर पोलिस चौकीतील पोलिसांसह, सुरक्षारक्षकांनी तातडीने हस्तक्षेप करून दोन्ही समर्थकांना वेगळे केले. पोलिस निरीक्षक श्रीराम कन्हेरकर यांच्यासह कर्मचारी तातडीने घटनास्थळी दाखल झाले. या प्रकरणी राजारामपुरी, लक्ष्मीपुरी पोलिस ठाण्यात गुन्हा दाखल करण्याचे काम रात्री उशिरापर्यंत सुरू होते.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

SCROLL FOR NEXT