कोल्हापूर : पुढारी वृत्तसेवा
नियंत्रण सुटल्याने आणि बंधाऱ्याचा अंदाज न आल्याने चारचाकी बंधाऱ्यावरून थेट नदीत कोसळल्याची घटना घडली. गगनबावडा तालुक्यातल्या मांडूकली इथल्या बंधाऱ्यावर मंगळवारी ही घटना घडली.
या विषयी अधिक माहिती अशी की, वडील आपल्या मुलासह मोटारीतून घरी येत होते. घरी येत असतानाच बंधाऱ्यावर अचानक ब्रेक मारला आणि पुढच्या सीटवर बसलेला मुलगा खाली पडला. त्याला सावरतानाच त्यांचे गाडीवरील नियंत्रण सुटले आणि गाडी थेट नदीत कोसळली. सुदैवाने नदीमध्ये पाणी कमी होते. त्यामुळे दोघेही या दुर्घटनेत सुखरूप बचावले आहेत.