आजरा : मुमेवाडी (ता आजरा) येथे ट्रकच्या धडकेत दुचाकीवरील चार जण ठार झाले. हे सर्वजण एकाच कुटुंबातील असून, ते व्हन्याळी ता. आजरा येथील रहिवाशी आहेत. दीपक दत्तात्रय चांदे (वय 45), शोभा दीपक चांदे (वय 33), जय दीपक चांदे (वय 9), पूर्वा दीपक चांदे (वय 6) अशी मृतांची नावे आहे.
याबाबात अधिक माहिती आजरा तालुक्यातील उत्तुर-बहिरेवाडी मार्गावर दुचाकी आणि टेम्पोची समोरासमोर धडक झाली असून टेम्पो रस्त्याच्या बाजूला उलटला आहे. याखाली सापडल्याने दुचाकीवरील चौघेही ठार झाले.
या अपघातामुळे हसतं-खेळतं कुटुंब क्षणात काळाच्या पडद्याआड गेले आहे. अपघाताची माहिती व्हन्याळी गावात समजमाच गाव परिसरत शोककळा पसरली आहे. याची माहिती कळताच पोलिस आणि स्थानिक नागरिक घटनास्थळी दाखल झाले आहेत.