मालवण : पुढारी वृत्तसेवा
चॅम्पियन ट्रॉपीमध्ये भारताने रविवारी पाकिस्तानला पराभूत करून विराट विजय मिळवल्यानंतर देशभरात जल्लोष साजरा करण्यात आला. मालवण आडवणं येथील काही परप्रांतीय भंगार व्यवसाइकांनी भारत विरोधी घोषणा दिल्या याचे पडसाद आज दिवसभरात मालवणात उमटले. या घटनेची तात्काळ दखल घेत आमदार निलेश राणे यांनी परप्रांतीय भंगारवाल्यांच्या वस्तीमधील अनधिकृत बांधकाम हटविण्याचे पत्र मालवण नगरपालिका प्रशासनाला दिले.
यावर नगरपालिका प्रशासनाने या अनधिकृत बांधकामांवर कारवाई करत बुलडोझर फिरवण्यात आला. सदरचे बांधकाम जमीनदोस्त केले. या प्रसंगी उपस्थितांकडून भारत माता की जय...च्या घोषणा दिल्या गेल्या.