सिंधुदुर्ग: पुढारी वृत्तसेवा : कुडाळ येथून पणजीच्या दिशेने जाणाऱ्या एसटी बसला इन्सुली घाटात आज (दि. २८) दुपारी ३.३० च्या सुमारास अपघात झाला. गाडीचे अचानक ब्रेक फेल झाल्याने चालकाने प्रसंगावधान राखून गाडी डोंगराच्या दिशेने उंच भागात वळवली. त्यामुळे मोठा अनर्थ टळला. या अपघातात गाडीतील ३० पेक्षा जास्त प्रवाशांना किरकोळ दुखापत झाली. जखमींना सावंतवाडी उपजिल्हा रुग्णालयात दाखल करण्यात आले आहे. त्यात काही महिलांसह लहान मुलांचाही समावेश आहे. ग्रामस्थांनीही घटनास्थळी धाव घेत मदतकार्यात सहभाग घेतला. (Sindhudurg Accident News)