कणकवली : वरवडे येथे मावस बहिणीकडे आलेली मुस्कान अब्दुल सोलकर (20, रा. मालवण) ही युवती बुधवारी सकाळी 11.45 वा. च्या सुमारास कणकवली ते मालवण जाणाऱ्या एसटी बसमधून मालवणला जाते असे सांगून निघून गेली ती तेथे पोहोचलेली नाही. दुपारी 1.30 वा.च्या सुमारास तिच्या आईने फोन करुन ती घरी पोहोचली नसल्याचे सांगितले. त्यानंतर शोध घेवूनही न सापडल्याने ती बेपत्ता झाल्याची खबर कौसर जहीर अब्बास ठाकूर (30, रा. वरवडे- खालची मुस्लिमवाडी) यांनी कणकवली पोलिसांत दिली.
मुस्कान हिची उंची 5 फुट 3 इंच, अंगाने सडपातळ, रंग निमगोरा, चेहरा उभट, केस काळे व लांब, अंगात जांभळ्या रंगाचा पंजाबी ड्रेस व त्यावर पांढऱ्या रंगाचे डिझाईन, पायात काळे सँडल असून तिच्याकडे ओपो कंपनीचा मोबाईल आहे. अशा वर्णनाची युवती आढळल्यास संपर्क साधावा, असे आवाहन कणकवली पोलिसांनी केले आहे.