बांदा : वन विभागाच्या देखरेखीखाली असलेला ‘ओंकार’ हत्ती पुन्हा एकदा इन्सुली परिसरात दाखल झाला आहे. सोमवारी रात्री त्याचा वावर वाफोली परिसरात आढळून आला होता. त्यानंतर मंगळवारी सकाळच्या सुमारास तो इन्सुलीत दाखल झाल्याची माहिती मिळाली.
हत्तीच्या हालचालींमुळे परिसरातील नागरिकांमध्ये सतर्कतेचे वातावरण असून, वन विभागाकडून त्याच्यावर लक्ष ठेवण्यात येत आहे. सध्या हत्ती शांत असल्याने कोणतीही हानी झाल्याची माहिती नाही. दरम्यान नागरिकांनी हत्तीच्या जवळ जाण्याचा प्रयत्न करू नये, तसेच रात्रीच्या वेळी एकटे बाहेर पडताना काळजी घ्यावी असे आवाहन करण्यात आले आहे. वन विभाग परिस्थितीवर लक्ष ठेवून असून आवश्यक त्या उपाययोजना करण्यात येत आहेत.