रत्नागिरी : मिरकरवाडा येथे बेशुध्द अवस्थेत सापडून आलेल्या नेपाळी खलाशाचा मृत्‍यू झाला. याबाबत शहर पोलिस ठाण्यात आकस्मिक मृत्‍यूची नोंद करण्यात आली आहे. ही घटना शनिवार ३ ऑक्टोबर रोजी सायंकाळी ५ वा. च्‍या सुमारास उघडकीस आली. ईश्वर रामकृष्ण चौधरी (२०, रा. मूळ रा. कैलाली, नेपाळ सध्या रा. मिरकरवाडा जेटी, रत्नागिरी) असे आकस्मिक मृत्‍यू झालेल्या नेपाळी खलाशाचे नाव आहे.
याबाबत भरत खुशीराम चौधरी याने शहर पोलिस ठाण्यात खबर दिली. त्‍यानुसार, शनिवारी सायंकाळी ईश्वर चौधरी हा मिरकरवाडा जेटी येथे बेशुध्द स्थितीत सापडल्यावर भरत चौधरी व इतर खलाशांनी त्‍याला तातडीने जिल्हा शासकीय रुग्णालयात दाखल केले. तेथील वैद्यकीय अधिकाऱ्यांनी ईश्वरला तपासून मृत घोषित केले.