देवरुख : आरवली ते माखजन मार्गावरील करजुवे आंतरजिल्हा रस्त्यावर सरंद-बुरंबाड सीमेजवळ एक भीषण रस्ता अपघात घडला असून, यामध्ये एका २२ वर्षीय तरुणाचा दुर्दैवी मृत्यू झाला आहे. या अपघातामुळे परिसरात मोठी शोककळा पसरली आहे.
मिळालेल्या माहितीनुसार, १८ सप्टेंबर २०२६ रोजी सकाळी १०:१५ वाजण्याच्या सुमारास तुषार शंकर मुक्षे (वय २२, रा. मुक्षेवाडी, बुरंबाड, ता. संगमेश्वर) हा तरुण आपल्या ताब्यातील एफ.झेड. मोटारसायकलने (एमएच ०८ एटी ५७७९) आरवली ते माखजन मार्गाने जात होता. बुरंबाड व सरंदच्या सीमेवर आले असता, वाहनावरील ताबा सुटल्याने मोटारसायकल रस्त्यावर भीषणपणे स्लिप झाली. हा अपघात इतका भीषण होता की, यामध्ये तुषारला गंभीर दुखापत होऊन त्याचा जागीच मृत्यू झाला. तसेच मोटारसायकलचेही मोठे नुकसान झाले आहे.