शेवगाव तालुका; पुढारी वृत्तसेवा : महा पुरुषाबाबत आक्षेपार्ह व्हिडिओ व्हायरल करून धार्मिक भावना दुखावण्याचा प्रयत्न केल्याने शेवगाव शहरात तणाव निर्मान झाला. यामुळे दोघांवर गुन्हा दाखल करण्यात आला. अमरापूर, भगूर, चापडगाव बंद पाळण्यात येणार आहे. या घटनेच्या निषेधार्थ सोमवारी सर्व संघटनातर्फे शेवगाव शहर बंदची हाक देण्यात आली. शेवगाव शहरातील दोघांनी शनिवारी दुपारी एक आक्षेपार्ह व्हिडिओ मोबाईलवर व्हायरल केला.
यामुळे धार्मिक भावना दुखावल्या गेल्या ही चर्चा वार्यासारखी शहरात पसरताच तीव्र संताप व्यक्त करण्यात आला. रात्री काही नागरिक शेवगाव पोलिस ठाण्यात एकत्रित आल्याने तणावाचे वातावरण होते. कारवाईच्या मागणीसाठी काही युवक रस्त्यावर उतरले. याची माहिती मिळताच शेवगाव, पाथर्डी, नेवासा, सोनई येथील पोलिस पथकासाह प्रभारी पोलिस उपविभागीय अधिकारी संदीप मिटके शेवगावला दाखल झाले. रात्री 1 वाजता याप्रकरणी दोघांवर गुन्हा दाखल करण्यात आला. पोलिसांनी त्यांना ताब्यात घेतले आहे. या घटनेच्या निषेधार्थ सोमवारी (दि.13) शहर बंदची हाक देण्यात आली असून, आक्षेपार्ह मजकुर पसरविण्यामागे मुख्य सूत्रधार कोण? याचा शोध घेऊन त्यांना अटक करावी अशी मागणी कार्यकर्त्यांनी केली.