पुणे : पुढारी वृत्तसेवा : राज्यात पावसाचा मुक्काम 25 एप्रिलपर्यंत वाढला असून कोकण, मध्य महाराष्ट्र, मराठवाडा, विदर्भात उष्णतेच्या लाटेसह पाऊसही सुरूच राहणार आहे, असा इशारा हवामान विभागाने दिला आहे. विदर्भापासून पूर्व मध्य अरबी समुद्रापर्यंत तसेच कर्नाटक ते कोकण गोवा भागापर्यंत द्रोणीय रेषा तयार झाल्याने वार्‍याचा वेग वाढून राज्यात सर्वत्र पाऊस पडत आहे.
गेले पंधरा दिवस विदर्भात सतत पाऊस सुरू आहे. त्यानंतर मराठवाडा भागात पाऊस सुरू झाला. गेले चार दिवस कोकण आणि मध्य महाराष्ट्रात पाऊस सुरू आहे. असे असले तरीही राज्याच्या कमाल तापमानात फारसा फरक पडलेला नाही. दिवसभर उन्हाचा दाह अन् सायंकाळी पाऊस असेच वातावरण राज्यात सर्वत्र आहे.
वाशिम 43.2, पुणे 38, अहमदनगर 39.8, जळगाव 41.4, कोल्हापूर 34, महाबळेश्वर 31.1, मालेगाव 41.6, नाशिक 37.7, सांगली 33.1, सोलापूर 39.6, छ. संभाजीनगर 40.2, परभणी 42.2, बीड 40.7, अकोला 43, अमरावती 41, चंद्रपूर 41.8, गोंदिया 40.7, नागपूर 40.2.
हेही वाचा