पुढारी ऑनलाईन डेस्‍क : काँग्रेस नेते राहुल गांधी यांनी मुंबईतील जाहीर सभेत "शक्ती विरुद्ध लढा' टिप्पणीवरुन वाद सुरु असतानाच आज त्‍यांनी पुन्‍हा एकदा भाजपवर हल्‍लाबोल केला. आम्ही द्वेषाने भरलेल्या 'असुर शक्ती'विरुद्ध लढत आहोत, असे त्‍यांनी माध्‍यमांशी बोलताना सांगितले.
काँग्रेसने आयोजित केलेल्‍या पत्रकार परिषदेत राहुल गांधी म्‍हणाले की, आज भारतात लोकशाही नाही. भारत ही जगातील सर्वात मोठी लोकशाही आहे ही कल्पना खोटी आहे. संपूर्ण खोटे आहे. भारतातील २०% लोक आम्हाला मत देतात आणि आम्ही कशासाठीही 2 रुपये देऊ शकत नाही. निवडणुकीत आम्हाला पंगू करण्यासाठी हे रचले गेले आहे, असा आरोपही त्‍यांनी केला.
लोकसभा निवडणुकीपूर्वी आयकर विभागाने पक्षाची खाती गोठवल्याबद्दल राहुल गांधी म्‍हणाले की, पंतप्रधान आणि गृहमंत्र्यांनी केलेली ही गुन्हेगारी कारवाई आहे. त्यामुळे आज भारतात लोकशाही नाही. भारत ही जगातील सर्वात मोठी लोकशाही आहे ही कल्पना खोटी आहे. देशातील २०% लोक आम्हाला मत देतात आणि आम्ही कशासाठीही 2 रुपये देऊ शकत नाही, अशी खंतही त्‍यांनी व्यक्त केली.
काँग्रेस पक्षाची सर्व बँक खाती गोठवण्यात आली आहेत, ज्यामुळे त्यांना प्रचाराचे काम करणे किंवा त्यांच्या कार्यकर्त्यांना आणि उमेदवारांना पाठिंबा देणे कठीण झाले आहे. निवडणूक प्रचाराच्या अवघ्या दोन महिन्यांपूर्वी हा प्रकार घडला आहे. पक्षाला दोन नोटिसा मिळाल्या आहेत, 90 च्या दशकातील आणि दुसरी 6-7 वर्षांपूर्वीची. प्रश्नातील रक्कम 14 लाख रुपये आहे. पक्षाची संपूर्ण आर्थिक ओळख गोठवली आहे, असेही ते म्‍हणाले,. याप्रकरणी निवडणूक आयोगाने अद्याप कोणतीही प्रतिक्रिया न दिल्याने राहुल गांधी यांनी नाराजी व्यक्त केली.