पुढारी ऑनलाईन डेस्क : लोकसभा सार्वत्रिक निवडणुकीच्या (Lok Sabha Elections 2024) चौथ्या टप्प्यातील मतदान आज सकाळी ७ वाजता पासून सुरू झाले आहे. देशभरात ९६ जागांसाठी १७१७ उमेदवार निवडणुकीच्या रिंगणात आहेत. दरम्यान देशात १० मतदारसंघात सकाळी ९ वाजेपर्यंत १०.३५ टक्के मतदान झाले आहे. (Lok Sabha Election 2024)
लोकसभा सार्वत्रिक निवडणुकीच्या चौथ्या टप्प्यात देशात आज (दि.१०) १० राज्यांच्या ९६ जागांसाठी मतदान होत आहे. महाराष्ट्रातील ११, आंध्र प्रदेशातील २५, बिहारमध्ये ५,झारखंडमध्ये ४, मध्य प्रदेशात ८, ओडिशात ४, तेलंगणात १७, उत्तर प्रदेशात १३, पश्चिम बंगालच्या ८ आणि जम्मू-काश्मीरच्या एका जागेचा त्यात समावेश आहे. दरम्यान सकाळी ९ वाजेपर्यंत झालेल्या मतदानाची आकडेवारी निवडणूक आयोगाने जाहीर केली आहे. (Lok Sabha Election 2024)
वरील राज्यातील सकाळी ९ वाजेपर्यंतची आकडेवारी पाहता सर्वात जास्त मतदान हे पश्चिम बंगाल १५. २४ टक्के झाले आहे. तर सर्वात कमी मतदान जम्मू-काश्मीर – ५.०७ टक्के झाले आहे.
देशात लोकसभा सार्वत्रिक निवडणुका पार पडत आहेत. लोकसभा निवडणुक २०२४ याचा निकाल येत्या चार जूनला लागणार आहे.
हेही वाचा