पुढारी ऑनलाईन डेस्क : नववर्षाची पार्टी साजरी करून कारने परत येणाऱ्या सहा मित्रांवर काळाने घाला घातला. कारवरील नियंत्रण सुटल्याने भरधाव कार पहिल्यांदा दुभाजकाला धडकली त्यानंतर झाडाला धडकून उलटली. या अपघातात कारमधील ६ तरूणांचा मृत्यू झाला. ही घटना झारखंडमधील जमशेदपूर येथे घडली. अपघाताच्या वेळी ८ जण कारमध्ये होते. उपचारादरम्यान पाच जणांचा मृत्यू झाला. दोन वाचलेले गंभीर जखमी झाले आहेत.
स्थानिक लोकांनी पोलिसांना या घटनेबद्दल माहिती दिली, त्यानंतर पोलिस घटनास्थळी पोहोचले आणि मृतदेह कारमधून बाहेर काढले. तर जखमींना उपचारासाठी हलवण्यात आले.
हॉटेलमध्ये नवीन वर्षाची पार्टी साजरी करून परत येताना ही घटना घडली. कारमध्ये बसलेले सर्व तरुण मद्यधुंद अवस्थेत होते, अशी माहिती मिळत आहे.