ब्राझिलिया : ब्राझीलचे माजी राष्ट्राध्यक्ष जैर बोल्सोनारो यांना 7 वर्षांसाठी म्हणजे 2030 पर्यंत निवडणूक लढविण्यास बंदी घालण्यात आली आहे. बोल्सोनारो यांच्यावर पद आणि माध्यमांच्या गैरवापराचा आरोप होता.
ब्राझीलच्या निवडणूक न्यायालयातील 7 न्यायाधीशांच्या खंडपीठाने 5-2 अशा बहुमताने हा निर्णय दिला. गतनिवडणुकीत पराभवानंतर बोल्सोनारो यांनी देशाच्या इलेक्ट्रॉनिक मतदान प्रणालीवर शंका व्यक्त केली होती. 18 जुलै 2022 रोजी बोल्सोनारो यांनी ब्राझीलच्या निवडणूक प्रक्रियेवरच प्रश्नचिन्ह उपस्थित केले होते.