पुढारी ऑनलाईन डेस्‍क : भारत हा बांगलादेशचा घनिष्‍ठ मित्र आहे. या दोन देशांमध्‍ये एक अद्भुत नाते आहे. पुढील पाच व र्ष आमले मुख्य लक्ष्‍य आर्थिक प्रगती आणि सुरु केलेली सर्व कामे पूर्ण करण्याचा असेल, असे बांगलादेशच्‍या पंतप्रधान शेख हसीना यांनी आज (दि. ८) पत्रकार परिषदेत सांगितले. (Bangladesh Prime Minister Sheikh Hasina)
बांगलादेशच्‍या राजकारणावर विद्‍यमान पंतप्रधान शेख हसीना यांचे निर्विवाद वर्चस्‍व असल्‍याचे स्‍पष्‍ट झाले आहे. त्‍या सलग पाचव्‍यांदा पंतप्रधान होणार आहेत. रविवारी झालेल्या सार्वत्रिक निवडणुकीत त्यांचा पक्ष अवामी लीगने ३०० जागांपैकी दोनतृतीयांश जागा जिंकल्या आहेत. आज पत्रकार परिषदेत बोलताना शेख हसीना म्‍हणाल्‍या की, भारताने आम्हाला १९७१ आणि १९७५ मध्ये पाठिंबा दिला होता. आम्ही भारताला आपला शेजारी मानतो. आमच्यात खूप चांगले संबंध आहेत याचे मला खरोखर कौतुक वाटते. भारतासोबत. पुढील 5 वर्षात, आमचे मुख्य लक्ष आर्थिक प्रगती आणि आम्ही सुरू केलेली सर्व कामे पूर्ण करण्यावर असेल.
आम्ही आमचा जाहीरनामा आधीच जाहीर केला आहे. आम्ही आमचा निवडणूक जाहीरनामा पाळतो आणि आमचा पूर्ण करण्याचा प्रयत्न करतो. आश्वासने. लोकांचा आणि देशाचा विकास हेच आमचे मुख्य उद्दिष्ट, असेही त्‍यांनी यावेळी स्‍पष्‍ट केले.
हेही वाचा :