पुढारी ऑनलाईन : सिमरिक एअर या खासगी कंपनीचे हेलिकॉप्टर नेपाळमधील संखुवासभा जिल्ह्यात आज (दि.०५) दुपारी कोसळले. भारतासाद्वारे अनुदानित अरुण-III जलविद्युत प्रकल्पासाठी बांधकाम साहित्य पुरवत असताना, नेपाळच्या हद्दीत हे हेलिकॉप्टर कोसळल्याची माहिती अधिकाऱ्यांनी दिली आहे, असे वृत्त एएनआय ने दिले आहे. (Helicopter crashed In Nepal)
सिमरिक एअरलाइन्सचे हेलिकॉप्टर अरुण-III जलविद्युत प्रकल्पाशी संबंधित साहित्य घेऊन जात होते. जे भारताच्या सतलज जल विद्युत निगमच्या माध्यमातून विकसित केले जात होते, अशी माहिती येथील संखुवासभा जिल्हा पोलीस कार्यालयाने दिली आहे. पोलिसांचे पथक अपघातस्थळी पाठवण्यात आले असून शोधमोहिम सुरू आहे.