दिल्ली ः दिल्लीत धावत्या कारमध्ये दहावीच्या विद्यार्थिनीवर सामूहिक बलात्कार (Gang Rape) केल्याची खळबळ जनक घटना घडली आहे. दिल्लीहून गाझियाबादला जाणार्‍या कारमध्ये हा प्रकार घडल्याचे उघडकीस आले आहे. याप्रकरणी पीडितेने पोलिस ठाण्यात तक्रार दाखल केल्यानंतर वसंत विहार पोलिसांनी तीन आरोपींच्या मुसक्या आवळल्या आहेत. धक्‍कादायक बाब म्हणजे, आरोपींनी बलात्कार करतानाचा व्हिडीओदेखील बनवला आहे.
पीडित मुलगी वसंत विहार परिसरातील रहिवासी आहे. ती दिल्लीतील एका शाळेत दहावीच्या वर्गात शिकते. 6 जुलै रोजी ती मोतिबाग येथील तिच्या मित्राच्या घरी गेली होती. रात्री परतत असताना वसंत गावच्या बाजाराजवळ दोन मुले दिसली असता त्यांनी तिला फिरायला जाऊ, असे सांगत सोबत नेले. त्यानंतर त्या दोन्ही आरोपींनी आपल्या आणखी एका मित्राला कार घेऊन बोलावले. फिरायला नेण्याच्या बहाण्याने तिघांनी तिला कारमध्ये बसवले. त्यानंतर तिला शीतपेयातून दारू मिसळून पाजली आणि तिच्यावर बलात्कार केला. (Gang Rape)