वॉशिंग्टन; वृत्तसंस्था : अमेरिकन सरकारने परग्रहावरील मानव या विषयाच्या संशोधनात माझी मदत घेतली होती. 'नासा'च्या प्रयोगशाळेत नेऊन मला परग्रहावरील मानवाचे (एलियन) मृतदेहही दाखविले होते, असा दावा अमेरिकेतील विख्यात जादूगार युरी गॅलर यांनी केला आहे.
'नासा'च्या एका स्पेस फ्लाईट सेंटरच्या तळघरात एलियनचे हे 8 मृतदेड डिप फ्रिजरमध्ये ठेवलेले आहेत. 'नासा'च्या एका अभियंत्याने मला तेथे नेले होते. एलियन्सची उंची कमी. बांधा सडपातळ आणि डोके मात्र मोठे आहे, असेही गॅलर यांचे म्हणणे आहे. माझ्यासोबत या भेटीत जर्मनीतील रॉकेट अभियंता वेर्नहेर वॉन ब्रॉन आणि अंतराळवीर एडगर मिशेलही होते, असेही गॅलर सांगत आहेत. बराक ओबामा, डोनाल्ड ट्रम्प आणि बेंजामिन नेतान्याहू यांनाही एलियनचे वास्तव माहीत आहे, असेही ते म्हणतात.