पुढारी ऑनलाईन डेस्‍क : केंद्रीय निवडणूक आयोग आजपासून मतदान ओळखपत्र आणि आधार कार्ड लिंकची मोहिम सुरु करणार आहे. महाराष्‍ट्रासह काही राज्‍यांनी आजपासून हा उपक्रम सुरु करणार असल्‍याचे स्‍पष्‍ट केले आहे. मतदार याद्या अधिकाधिक बिनचूक करण्‍यासाठी ही मोहिम राबविण्‍यात येणार आहे. ( Aadhaar card linkages voter ID )
मतदार यादीमध्‍ये दोनवेळा नावे असणे, पत्ता अपूर्ण असणे आदी चुका आढळून येत होत्‍या. मतदान ओळखपत्र आणि आधार कार्ड लिंक केल्‍यामुळे एकाच व्‍यक्‍तीचे एकापेक्षा अधिक मतदारसंघात किंवा त्‍याच मतदारसंघात एकापेक्षा अधिक वेळा नावाची नोंदणी तपासणी अधिक सोपी होणार आहे. तसेच मतदारांची ओळख पटवणे, मतदार यादीत असणारी माहितीची तपासणेही अधिक सोपे होणार आहे.
मतदान ओळखपत्रांशी आधार लिंकसाठी निवडणूक कायदे सुधारणा विधेयक लोकसभेमध्‍ये डिसेंबर २०२१ मध्‍ये आवाजी मतदानाद्वारे मंजूर झाले होते. या निर्णयाविरोधात काँग्रेसचे नेते रणदीप सिंग सुरजेवाला यांनी सर्वोच्‍च न्‍यायालयात धाव घेतली होती. मात्र न्‍यायालयाने याप्रकरणी सक्षम उच्‍च न्‍यायालयात दाद मागा असे स्‍पष्‍ट केले होते.
महाराष्‍ट्राचे मुख्य निवडणूक अधिकारी श्रीकांत देशपांडे यांनीही मागील आठवड्यात पत्रकार परिषद घेतली होती. यावेळी
त्‍यांनी सांगितले होते की, "आधार आणि मतदान ओळखपत्र लिंकिंगची प्रक्रिया १ ऑगस्‍टपासून राज्‍यात हाती घेण्‍यात येणार आहे. या प्रक्रियेमुळे मतदारांची ओळख पटवणे सोपे जाईल. एकाच व्‍यक्‍तीच्‍या एकापेक्षा जास्‍त मतदारसंघात किंवा एकदाच मतदारसंघात एकापेक्षा जास्‍त वेळा मतदार यादीत नोंदणी झाली आहे का हेही तपासता येईल." १७ वर्षांपेक्षा अधिक वयाचे युवकही मतदानाचा हक्‍क मिळविण्‍यासाठी पात्र वय होईपर्यंत प्रतीक्षा न करता नावनोंदणीसाठी आता अर्ज करु शकणार आहेत, असेही देशपांडे यांनी स्‍पष्‍ट केले होते.
राज्‍य निवडणूक आयोग यासाठी शिबिर घेणार आहेत. यामुळे आधार आणि मतदान ओळखपत्र लिंक करण्‍याची प्रक्रिया सुलभ होणार आहे. तसेच तुम्‍ही घरबसल्‍याही ही ऑनलाईन प्रक्रिया करु शकता, यासाठी प्रक्रिया पुढीलप्रमाणे…