पुढारी ऑनलाईन : केंद्रीय राखीव पोलीस दलात कॉन्स्टेबल पदासाठी बंपर भरतीची जाहिरात प्रसिद्ध झाली आहे. या भरतीसाठी आजपासून (दि.२७) अर्ज करण्याची प्रक्रिया सुरू होत आहे. या प्रसिद्ध जाहिरातीनुसार, CRPF मध्ये एकूण ९,२१२ पदे भरण्यात येणार आहेत. यापैकी ९१०५ पदे ही पुरुष उमेदवारांसाठी आहेत, तर १०७ पदे ही महिला उमेदवारांसाठी असणार आहेत. या पदांसाठी अर्ज करू इच्छिणारे उमेदवार अधिकृत वेबसाइट crpf.gov.in वर जाऊन ऑनलाइन अर्ज (CRPF Recruitment 2023) करू शकतात. अर्ज करण्याची अंतिम तारीख २५ एप्रिल २०२३ आहे, अशी माहिती केंद्रीय राखील पोलिस दलाच्या (CRPF) देण्यात आली आहे.
केंद्रीय राखीव पोलीस दलाच्या या भरतीसाठी अर्ज करण्यासाठी उमेदवारांच्या शैक्षणिक पात्रतेबद्दल उमेदवारांनी केंद्र किंवा राज्य सरकारद्वारे मान्यताप्राप्त बोर्ड किंवा विद्यापीठातून १० वी उत्तीर्ण केलेली असावी. कॉन्स्टेबल भरती उमेदवाराकडे हेवी ट्रान्सपोर्ट व्हेईकल ड्रायव्हिंग लायसन्स असणे किंवा ड्रायव्हिंग चाचणी उत्तीर्ण असणे आवश्यक आहे.
केंद्रीय राखीव पोलीस दलाच्या या भरतीसाठी अर्ज करणाऱ्या उमेदवारांची वयोमर्यादा कॉन्स्टेबल (ड्रायव्हर) पदासाठी १८ ते २७ वर्षांच्या दरम्यान ठेवण्यात आली आहे. तर इतर पदांसाठी ती १८ ते २३ वर्षांच्या दरम्यान असावी असे सांगण्यात आले आहे.
केंद्रीय राखील पोलिस दलातील (CRPF) कॉन्स्टेबल या पदांसाठी अर्ज करण्यासाठी पुरुष उमेदवारांना १०० रुपये शुल्क भरावे लागेल. तर महिला उमेदवार आणि एससी, एसटी उमेदवारांना कोणत्याही प्रकारचे शुल्क भरावे लागणार नसल्याचे स्पष्ट करण्यात आले आहे.
ऑनलाइन अर्ज करण्याची तारीख – २७ मार्च २०२३
ऑनलाइन अर्ज स्वीकारण्याची आणि फी भरण्याची शेवटची तारीख – २५ एप्रिल २०२३
संगणक आधारित चाचणीसाठी प्रवेशपत्र येण्याची तारीख – २० जून ते २६ जून २०२३
संगणक आधारित चाचणीची तारीख -१ जुलै ते १३ जुलै २०२३
सर्वप्रथम केंद्रीय राखील पोलिस दलाच्या (CRPF) अधिकृत वेबसाइट crpf.gov.in ला भेट द्या.
Recruitment टॅबवर क्लिक करा.
संपूर्ण अर्ज व्यवस्थित लक्षपूर्वक भरा.
अर्जासोबत आवश्यक कागदपत्रे अपलोड करा.
फॉर्म सबमिट करा आणि भविष्यातील संदर्भासाठी भरलेल्या अर्जाची प्रिंट आउट काढून घ्या.