मुंबई ; पुढारी ऑनलाईन
अभिनेत्री शबाना आझमी यांना कोरोनाची लागण झाली आहे. आज (मंगळवार) त्‍यांनी कोरोनाचे संक्रमण झाल्‍याची माहिती दिली. त्या सध्या विलगीकरणात आहेत. शबाना आझमी यांनी इंन्स्‍टाग्रामवरून याची माहिती देताना, माझा कोरोनाचा रिपोर्ट पॉझिटिव्ह आला आहे. मी स्‍वत: ला विलगीकरणात ठेवले आहे. मी सर्व लोकांना विनंती करते की, जे माझ्या संपर्कात आले आहेत त्‍यांनी आपली कोरोना चाचणी करून घ्‍यावी, असे शबाना आझमी यांनी म्‍हटलं आहे.
कोरोना पॉझिटिव्ह शबाना आझमी या लवकर बऱ्या व्हाव्यात यासाठी चित्रपटसृष्‍टीतील कलाकार आणि त्‍यांचे चाहते प्रार्थना करत आहेत. शबाना आझमी यांच्या पोस्‍टवर दिव्या दत्‍ताने शबानाजी लवकर बर्‍या व्हा, असे म्‍हटलं आहे.
एकता कपूर, मनीष मल्‍होत्रा आणि सोनी राजदान सहीत अनेक सिने कलाकारांनी आझमी लवकर बऱ्या होण्याची प्रार्थना केली. शबाना आझमी करण जौहर दिग्‍दर्शित 'रॉकी और रानी की प्रेम कहानी' या चित्रपटात दिसणार आहेत. या चित्रपटात रणवीर सिंह, आलिया भट्ट, धर्मेंद्र आणि जया बच्चन हे देखील दिसणार आहेत. याशिवाय शबाना आझमी पॅरामाउंट प्लस ची सिरीज 'हालो' मध्ये ही दिसणार आहेत.
हेही वाचलं का?