पुढारी ऑनलाईन डेस्क : अॅपल आयफोन १४ (iPhone 14 ) सीरीज, अॅपल वॉच ८ आणि ७ प्रो आणि आयपॅड यासह अनेक नवीन प्रॉडक्ट्सची घोषणा आज करणार आहे. अॅपल आजच्या फॉर आऊट कार्यक्रमात आयफोनची नवीन सीरीज लॉंच करण्यासाठी सज्ज आहे. क्युपर्टिनो-जायंट आयफोन १४, अॅपल वॉच ८ आणि ८ प्रो आणि आयपॅडसह नवीन प्रॉडक्ट्सची घोषणा करेल. या वर्षी, ऍपल आयफोन १४ (iPhone 14 ), आयफोन १४ मॅक्स, आयफोन १४ प्रो आणि आयफोन १४ प्रो मॅक्स सारख्या चार नवीन आयफोनची घोषणा करेल अशी अपेक्षा आहे. ॲपल यावेळी "मिनी" हा प्रकार समाविष्ट करणार नाही. याशिवाय ॲपल आपल्या बजेट आयपॅडचे नवीन व्हर्जन सादर करेल अशी अपेक्षा आहे. हा कार्यक्रम आज 7 सप्टेंबर 2022 रोजी क्यूपर्टिनो, यूएसए येथील ॲपल पार्क येथे होणार आहे.
यावेळी, ॲपल वॉच सोबतच ॲपल वॉच ८ प्रो सादर करू शकते. हे नवीन डिझाइन आणि शक्तिशाली वैशिष्ट्यांसह महत्त्वपूर्ण आहे. यावर्षी ॲपल वॉचमध्ये अधिक आरोग्य वैशिष्ट्ये आणि जीपीएसची असेल. डिझाइनमध्येही किरकोळ बदल असतील. त्यामुळे आजच्या कार्यक्रमात पाहण्यासारखे बरेच काही आहे.
आयफोन १४ च्या किंमतीबद्दल कोणतीही ठोस माहिती नसली तरी, काही अहवाल असे सूचित करतात की ते आयफोन 13 प्रमाणेच किंमत असेल. आयफोन 14 ची सुरुवातीची किंमत भारतात 80,000 ते 85,000 रुपये असू शकते.