पुढारी ऑनलाइन डेस्क : Amrutpal Singh : अमृतपाल सिंगच्या सहकाऱ्यांना 24 तासात मुक्त करा, अशी धमकी अकाल तख्तच्या जत्थेदारांनी पंजाब सरकारला दिली आहे. अकाल तख्तचे जत्थेदार ज्ञानी हरप्रीत सिंग यांनी सोमवारी पंथक संघटनांची बैठक बोलावली होती. या बैठकीनंतर ही धमकी देण्यात आली. तसेच आमची मागणी मान्य न झाल्यास अकाली तख्त 'खालसा वाहिर' सुरू करून गावपातळीवरील आंदोलन करेल, असा इशारा बैठकीत देण्यात आला.
या बैठकीला सुवर्ण मंदिराचे मुख्य ग्रंथी ज्ञानी जगतार सिंग, तख्तकेसगड साहिब बलजीत सिंग जत्थेदार ज्ञानी रघुबीर सिंग, एसजीपीसी (शीख संघटना शिरोमणि गुरुद्वारा प्रबंधक कमिटी) प्रमुख हरजिंदर सिंग धामी, शिरोमणी पंथ अकाली बुद्ध दलाचे बाबा बलवीर सिंग, बाबा अवतार सिंग सुरसिंग, अकाल तख्तचे माजी जत्थेदार जसवीर सिंह, सिंग रोडे, दिल्ली शीख गुरुद्वारा व्यवस्थापन समितीचे माजी प्रमुख मनजीत सिंग जीके आणि दमदमी टकसालचे प्रतिनिधी सुखदेव सिंग. उपस्थित होते.
शीखांविरुद्ध द्वेषाचे वातावरण निर्माण करण्यासाठी जाब आणि केंद्र सरकारसह काही राष्ट्रीय मीडिया हाऊस षड्यंत्र रचत आहे. असे बैठकीत त्यांनी म्हटले आहे. जत्थेदारांनी एसजीपीसीला "भारत आणि परदेशात शीखांची बदनामी करणार्‍या शक्तींवर कायदेशीर कारवाई करण्याचे निर्देश दिले आहेत. तसेच यासाठी वकिलांचे एक पॅनेल आधीच तयार केले आहे", अशी माहिती जत्थेदारांनी दिली.
पंजाब सरकारने बंद केलेल्या 100 शीख वाहिन्या पूर्ववत करण्यासाठी शीख संघटनांच्या प्रतिनिधींनी आणखी एक धमकी देखील दिली आहे. त्यांनी सर्व शीख संघटनांना शिखांच्या कथित दडपशाहीविरुद्ध एकजुटीने लढण्यास सांगितले. अकाल तख्तमधील बैठकीत काही शीखांनी खलिस्तानच्या बाजूने, अमृतपालच्या समर्थनार्थ आणि काही राष्ट्रीय मीडिया हाऊसच्या विरोधात घोषणा दिल्या.
Amrutpal Singh अमृतपालविरोधात सुरू असलेल्या कारवाई दरम्यान अटक करण्यात आलेल्या सर्वांना मोफत कायदेशीर सहाय्य देण्यावरही बैठकीत निर्णय झाला. जत्थेदारांनी सर्व कुटुंबांना खुले आमंत्रण दिले आहे की ज्यांच्या मुलांना अनावश्यक प्रकरणात अटक करण्यात आली आहे, त्यांनी एसजीपीसीशी संपर्क साधावा. आमचे वकिलांचे पॅनेल त्यांचे खटले लढवेल आणि पीडित कुटुंबांनी आधीच नियुक्त केलेल्या वकिलांची फी एसजीपीसी भरेल, असे धामी म्हणाले. शीख संघटनांनी सात शीखांवर कठोर राष्ट्रीय सुरक्षा कायदा लागू केल्याच्या विरोधात उच्च न्यायालयात जाण्याचा निर्णयही घेतला.
महाराजा रणजित सिंग यांच्या साम्राज्यासह विविध शीख राज्यांच्या ध्वजांचे खोटे प्रतिनिधित्व, पोलिसांकडून खलिस्तानचे ध्वज म्हणून केले जात असल्याबद्दल चिंता व्यक्त करून, अकाल तख्तच्या जत्थेदारांनी एसजीपीसीला पोलिस अधिकार्‍यांवर कारवाई करण्याचे निर्देश दिले. त्यांनी शीखांना त्यांच्या घरांवर आणि वाहनांवर 'खालसा राज'चे झेंडे फडकवण्याचे आवाहन केले. शिखांच्या विरोधात मुत्सद्दी षडयंत्र रचले जात असल्याचे निरीक्षण करून, जत्थेदार म्हणाले की शीखांनी हिंसकपणे नव्हे तर मुत्सद्दी भाषेत उत्तर दिले पाहिजे.
हे ही वाचा :