पुढारी ऑनलाईन :
इस्रायली लष्कराने एक निवेदन जारी करून म्हटले आहे की, इस्रायलच्या हल्ल्यात हिजबुल्लाचा प्रमुख हसन नसरल्लाह आणि हिजबुल्लाच्या दक्षिण आघाडीचा प्रमुख अली कराकी यांच्यासह अनेक कमांडर मारले गेले आहेत. इस्त्रायली सैन्याने सांगितले की, बेरूतच्या दक्षिणेकडील उपनगरात हेजबुल्लाचे मुख्यालय हे लक्ष्य होते, जे निवासी इमारतींच्या खाली भूमिगत होते.
इस्रायल आणि हिजबुल्ला यांच्यातील संघर्षादरम्यान एक मोठी बातमी समोर आली आहे. वास्तविक, हिजबुल्लाचा प्रमुख हसन नसरल्लाह मारला गेला आहे. इस्रायली लष्कराने याला दुजोरा दिला आहे. इस्रायलच्या लष्कर IDF ने सोशल मीडिया प्लॅटफॉर्म X वर शेअर केलेल्या पोस्टमध्ये लिहिले की, 'हसन नसराल्लाह पुन्हा कधीही जगाला दहशत माजवू शकणार नाही'. शुक्रवारी, लेबनॉनमधील बेरूत येथे इस्रायली हवाई हल्ल्यात हिजबुल्लाचा प्रमुख हसन नसरल्लाह ठार झाल्याची अफवा त्याच वेळी सुरू झाली, जेव्हा इस्रायली सैन्याने हिजबुल्लाच्या मुख्यालयाला लक्ष्य केल्याची माहिती समोर आली.
तसेच या हल्ल्यानंतर इस्रायलचे पंतप्रधान बेंजामिन नेतन्याहू देखील आपला अमेरिका दौरा अर्धवट सोडून इस्रायलला रवाना झाले होते. तेव्हापासून हिजबुल्लाच्या सर्वोच्च नेत्याच्या मृत्यूची अटकळ होती. आता इस्रायली लष्कराने हसन नसराल्लाहच्या मृत्यूची पुष्टी करून हे अंदाज खरे ठरविले आहेत.
शुक्रवारी इस्रायली लष्कराने लेबनॉनची राजधानी बेरूतमधील अनेक लक्ष्यांवर हवाई हल्ले केले. या हल्ल्यांमध्ये हिजबुल्लाच्या स्थानांना लक्ष्य करण्यात आले. आता इस्रायली लष्कराने एक निवेदन जारी केले आहे की, त्यांच्या हल्ल्यात हिजबुल्लाहचा प्रमुख हसन नसरल्लाह आणि हिजबुल्लाचा दक्षिण आघाडीचा प्रमुख अली कराकी यांच्यासह अनेक कमांडर मारले गेले आहेत. इस्त्रायली सैन्याने सांगितले की, बेरूतच्या दक्षिणेकडील उपनगरात हेजबुल्लाचे मुख्यालय हे लक्ष्य होते, जे निवासी इमारतींच्या खाली भूमिगत होते.
आयडीएफने सांगितले की, हिजबुल्लाहचा वरिष्ठ कमांडर इतर साथीदारांसह इस्रायलवर हल्ल्याची योजना आखत होता. इस्त्रायली सैन्याच्या हल्ल्यात नसराल्लाह आणि इतर अनेक वरिष्ठ हिजबुल्ला कमांडर मारले गेले. याआधी इस्रायलच्या हल्ल्यात हिजबुल्लाहच्या क्षेपणास्त्र युनिटचा प्रमुख मोहम्मद अली इस्माइल आणि त्यांचे उपनियुक्त हुसेन अहमद इस्माइल यांचा मृत्यू झाल्याची बातमी आली होती. याशिवाय हसन नसरल्ला याची मुलगी जैनब नसरल्ला हिचाही मृत्यू झाल्याचा दावा करण्यात आला आहे. लेबनॉनमध्ये नुकत्याच झालेल्या हल्ल्यांमध्ये हिजबुल्लाहच्या क्षेपणास्त्र आणि रॉकेट दलाचा प्रमुख मोहम्मद काबिसीही मारला गेला आहे.