पुढारी ऑनलाईन डेस्क : कॅनडातील ब्रॅम्प्टन हिंदू मंदिरात झालेल्या हिंसक संघर्ष प्रकरणी पील प्रदेश पोलिसांनी आणखी एकाला आरोपीला अटक केली आहे. पील पोलिसांच्या अधिकृत माहितीनुसार , 21 डिव्हिजन क्रिमिनल इन्व्हेस्टिगेशन ब्युरो आणि स्ट्रॅटेजिक इन्व्हेस्टिगेशन टीम (SIT) च्या अन्वेषकांनी ब्रॅम्प्टन मंदिरात झालेल्या हिंसक निषेधात सहभागी असलेल्या आणखी एका व्यक्तीला अटक केली आहे. इंद्रजित गोसल (वय 35, रा. ब्रॅम्प्टन) असे संशयित आरोपीचे नाव आहे. रविवारी (दि.3) पील प्रादेशिक पोलिसांनी ब्रॅम्प्टनमधील गोरे रोडवरील मंदिरात निदर्शनादरम्यान झालेल्या वादाला उत्तर दिले. निवेदनात म्हटले आहे की, विरोधी पक्षांमधील तणाव वाढल्याने निदर्शने शारीरिक आणि आक्रमक बनली. (Canada Temple Attack)
निवेदनानुसार, पोलिसांनी निदर्शनादरम्यान घडलेल्या अनेक घटनांचा तपास सुरू केला, त्यापैकी अनेक व्हिडिओमध्ये कैद झाले. यामध्ये लोकांवर हल्ला करण्यासाठी झेंडे आणि काठ्या वापरणाऱ्यांचाही समावेश आहे. इंद्रजित गोसल (वय 35, रा. ब्रॅम्प्टन) असे त्याचे नाव आहे.
पोलिसांनी दिलेल्या माहितीनुसार, इंद्रजीतला अटक करण्यात आली आहे. त्याच्यावर शस्त्राने हल्ला केल्याचा आरोप आहे. मात्र, त्याला अटींसह सोडण्यात आले आहे. तो नंतरच्या तारखेला ब्रॅम्प्टनमधील ओंटारियो कोर्ट ऑफ जस्टिसमध्ये हजर राहणार आहे. निवेदनात म्हटले आहे की तपासकर्ते घटनांचे शेकडो व्हिडिओ तपासत आहेत आणि गुन्ह्यात सहभागी असलेल्या अतिरिक्त संशयितांना ओळखण्यासाठी आणि पुढील अटक करण्यासाठी काम करत आहेत. शनिवारी, कॅनडाचे खासदार चंद्रा आर्य यांनी एका निवेदनात ब्रॅम्प्टनमधील हिंदू सभा मंदिरात हिंदू भाविकांवर खलिस्तानी अतिरेक्यांनी केलेल्या हल्ल्याचा निषेध केला. राजकारण्यांनी या घटनेला हिंदू-शीख मुद्दा म्हणून चुकीचे चित्रण केल्याची टीकाही केली.