पुढारी ऑनलाईन डेस्क : सीरियातील सत्तापालटानंतर राष्ट्राध्यक्ष बशर अल असद हे आपल्या कुटुंबासह रशियात वास्तव्यास आहेत. मात्र सत्ता गमावल्यानंतर आता त्यांना पत्नीची साथही गमवावी लागणार आहे. बशर अल-असद यांची ब्रिटिश पत्नी अस्मा अल-असद यांनी मॉस्कोमध्ये राहण्यास नकार दिला आहे. त्यांनी रशियन न्यायालयात घटस्फोटासाठी अर्ज दाखल केला आहे. घटस्फोट मंजूर झाल्यानंतर त्या लंडनला जाणार असल्याचे वृत्त
अस्मा अल-असद यांनी रशियन कोर्टात घटस्फोटासाठी अर्ज केला आहे. त्यांनी मॉस्को सोडण्यासाठी विशेष परवानगी मागितली आहे, असे वृत्त जेरुसलेम पोस्टचे वृत्त आहे. त्याच्या अर्जाचे सध्या रशियन अधिकाऱ्यांकडून मूल्यांकन केले जात आहे. बीबीसीच्या रिपोर्टनुसार, अस्मा यांच्याकडे ब्रिटिश आणि सीरियन नागरिकत्व आहे. त्या 2000 मध्ये सीरियाला गेल्या. वयाच्या 25 व्या वर्षी त्यांनी असद यांच्याशी विवाह केला होता.
बशर अल-असद यांनी रशियाकडे केलेली आश्रयाची विनंती मान्य करण्यात आली आहे. मात्र त्यांच्यावर अजूनही कठोर निर्बंध आहेत. त्यांना मॉस्को शहर सोडण्यास तसेच अन्य कोणत्याही राजकीय कार्यक्रमात सहभागी होण्याची परवानगी देण्यात आलेली नाही. रशियाने त्याची मालमत्ता आणि पैसाही जप्त केला आहे. त्याच्या संपत्तीमध्ये 270 किलो सोने, 2 अब्ज डॉलर्स आणि मॉस्कोमधील 18 अपार्टमेंटचा समावेश आहे.
बशर अल-असदचा भाऊ माहेर अल-असाद याला रशियामध्ये आश्रय देण्यात आलेला नाही. माहेर अल-असाद व त्याचे कुटुंब रशियात नजरकैदेत आहे. बंडखोर इस्लामिक गट हयात तहरीर अल शाम (एचटीएस) च्या नेतृत्वाखालील बंडखोर सैन्याने डिसेंबर महिन्याच्या सुरुवातीला 13 वर्षांच्या गृहयुद्धानंतर नेतृत्वाखाली असाद सरकार अखेर उलथून टाकण्यात आले. असद यांनी रशियाला पलायन केले. असद आणि त्याच्या कुटुंबाकडे अफाट संपत्ती आहे. त्यांच्याकडे शेकडो टन सोने तसेच अमेरिकन डॉलर आणि युरोचा मोठा साठा आहे.
सीरिया गृहयुद्धादरम्यान बशल अल-असद यांच्या देश सोडण्याची जेंव्हा चर्चा सुरू झाली तेंव्हा माहिती समोर आली की, असद यांच्या विमानाने सीरियाच्या लताकियाहून उड्डाण भरून मॉस्कोला पोहोचले. फ्लाईट रडार बेबसाईटच्या आकडेवारीनुसार, रविवार (८ डिसेंबर) दिवशी एक रशियन विमान लताकियाहून उड्डान करून मॉस्को पोहोचले होते. त्यावरून असे अनुमान काढण्यात आले होते की, ते विमान असद यांच्यासाठीच आले होते.सीरियामध्ये २०११ पासून बंडखोरीला सुरूवात झाली होती. सरकारने लोकशाही समर्थक निदर्शने क्रूरपणे चिरडली होती. या ठिकाणी संघर्ष हा हळू-हळू गृहयुद्धात रूपांतरीत झाला. ज्यामध्ये असद सरकारच्या विरोधात अनेक बंडखोर गट उभे ठाकले. अखेर १३ वर्षांच्या संघर्षानंतर शासन झुकले. बंडखोर गटांनी दमिश्कवर ताबा मिळवला नाही तर असद सरकारला उखडून फेकले आहे.
आपला देश सोडून पलायन केलेल्या असद यांच्याकडे मोठ्या प्रमाणात संपत्ती आहे. समोर आलेल्या माहितीनुसार, त्यांनी देश सोडताना आपल्यासोबत कित्येक किलो सोने (Gold) आणि मोठी रक्कम घेउन गेले आहेत. एका बाजुला देशातील ९० टक्के जनता ही गरीबीत खितपत पडली आहे. तर सउदी वृत्तपत्राने दिलेल्या माहितीनुसार, राष्ट्राध्यक्ष बशर-अल-असद यांचे कुटुंब खूप श्रीमंत आहे. Elaw च्या अहवालात, ब्रिटिश इंटेलिजेंस सर्व्हिसेस MI6 च्या माहितीचा हवाला देत, असे म्हटले आहे की, गेल्या वर्षी 2023 पर्यंत, राष्ट्रपतींच्या कुटुंबाच्या एकूण संपत्तीमध्ये सुमारे 200 टन सोन्यासह अब्जावधी डॉलर्स आणि युरोचा समावेश होता.
२०० टन सोन्याच्या साठ्याव्यतिरिक्त राष्ट्राध्यक्ष असद यांच्याकडे १६ अब्ज डॉलर्स (सुमारे १.३५ लाख कोटी रुपये) आणि ५ अब्ज युरो (सुमारे ४४,५९४ कोटी रुपये) संपत्ती होती. याशिवाय राष्ट्राध्यक्ष असद यांच्याकडे एक आलिशान घर आणि महागड्या आणि आलिशान गाड्यांचा संग्रह होता, ज्याची झलक त्यांच्या ताफ्यात दररोज पाहायला मिळत होती. त्याच्या ताफ्यात रोल्स रॉयस फँटम, ॲस्टन मार्टिन डीबी7 ते फेरारी एफ40, फेरारी एफ430 आणि मर्सिडीज बेंझ, ऑडी या गाड्यांचा समावेश असल्याचे सांगितले जाते.विशेष बाब म्हणजे सौदी वृत्तपत्र ऐलावच्या अहवालात बसर अल-असद यांची एकूण संपत्ती सुमारे ७ वर्षांच्या सीरियाच्या बजेटइतकी असल्याचा अंदाज वर्तवण्यात आला होता. मात्र, यापैकी किती मालमत्ता किंवा सोने, डॉलर किंवा युरोसह असाद हे देशातून पळून गेले आहेत हे स्पष्ट झालेले नाही.
एका रिपाेर्टनुसार, बशर अल-असद यांच्याकडे सीरियामध्ये अमली पदार्थांची मोठी संपत्ती होती, ज्यामुळे असद सरकारला अब्जावधी डॉलर्सची कमाई झाली. या औषधाचे नाव 'कॅपटाग्नट' आहे आणि अनेक रिपोर्ट्समध्ये दावा करण्यात आला आहे की, जगातील त्याचे 80% उत्पादन फक्त सीरियामध्ये आहे. सीरिया सर्वात जास्त निर्यात करतो आणि इस्रायली वेबसाइट वायनेटच्या मते, असद सरकार याद्वारे दरवर्षी सुमारे 5 अब्ज डॉलर्स कमवत असे. कॅप्टॅगॉनच्या माध्यमातून केवळ असद कुटुंबीयच नव्हे तर सीरियन लष्करातील उच्च अधिकारीही प्रचंड कमाई करत होते.