Apple new CEO salary
नवी दिल्ली: नुकतेच जॉन टर्नस यांनी टिम कुक यांच्याकडून ॲपल कंपनीच्या मुख्य कार्यकारी अधिकारी (सीईओ) पदाची सूत्रे स्वीकारली आहेत. यासोबतच, ॲपलने या दोन्ही अधिकाऱ्यांच्या नवीन पगाराबाबत आणि शेअर्सवर आधारित मोबदल्याबाबतची माहिती जाहीर केली आहे.
नवे सीईओ जॉन टर्नस यांना या आर्थिक वर्षात तब्बल ५८ कोटी डॉलर (सुमारे ५५१ कोटी रुपये) इतका मोबदला मिळणार आहे. दुसरीकडे, कार्यकारी अध्यक्ष या नवीन भूमिकेत टिम कुक यांना सुमारे ४७ कोटी डॉलर (सुमारे ४४६ कोटी रुपये) मिळतील.
'यूएस सिक्युरिटीज अँड एक्स्चेंज कमिशन'ला दिलेल्या माहितीत ॲपलने दोन्ही अधिकाऱ्यांच्या नवीन वेतनाची आकडेवारी स्पष्ट केली. विशेष म्हणजे, ज्या दिवशी जॉन टर्नस यांनी सीईओ पदाचा पदभार स्वीकारला, त्याच दिवशी ही माहिती समोर आली. जॉन टर्नस यांच्या नवीन पे पॅकेजमध्ये ३० लाख डॉलरच्या वार्षिक वेतनाचा समावेश आहे. याशिवाय, पुढील आर्थिक वर्षासाठी त्यांना सुमारे ५५ कोटी डॉलरचे स्टॉक अवॉर्ड्स (शेअर्सच्या स्वरूपातील मोबदला) दिले जातील.
टिम कुक यांना आता वर्षाला २० लाख डॉलर वेतन मिळेल. तसेच आर्थिक वर्ष २०२७ साठी त्यांना सुमारे ४५ कोटी डॉलरचे स्टॉक अवॉर्ड्स दिले जातील. सीईओ असताना टिम कुक यांना ३० लाख डॉलर वार्षिक वेतन मिळत होते.
सीईओ असताना कुक यांना मिळाले होते ७.४३ कोटी डॉलर
२०२५ मध्ये सीईओ म्हणून टिम कुक यांना एकूण ७ कोटी ४३ लाख डॉलर मिळाले होते. यात ३० लाख डॉलर वेतन, १ कोटी २० लाख डॉलरचा कामगिरीवर आधारित रोख पुरस्कार आणि ५ कोटी ७५ लाख डॉलरचे शेअर्स समाविष्ट होते.