पेडणे : कौटुंबिक वादातून 25 वर्षीय तरुणाने आपल्या आईवर कोयत्याने जीवघेणा हल्ला केल्याची धक्कादायक घटना रविवारी (दि. 15) रोजी आगरवाडा येथे घडली. सुषमा कळंगुटकर-पाटील (वय 50) असे जखमी आईचे नाव आहे. याप्रकरणी पोलिसांनी तिचा मुलगा चंद्रशेखर पाटील उर्फ संजू (वय 25) याला अटक केली आहे.
तक्रारीनुसार, दुपारी 3 ते 6 दरम्यान घरातच वाद झाला. रागाच्या भरात संजूने आईला शिवीगाळ करत जीवे मारण्याची धमकी दिली. यावेळी झालेल्या भांडणात त्याने त्यांच्या डोक्यावर, मानेवर, छातीवर कोयत्याने वार केले. यात त्यामुळे त्या गंभीर जखमी झाल्या. त्यांच्यावर गोमेकॉत उपचार सुरू आहेत. या प्रकरणी मांद्रे पोलिसांनी चंद्रकांत याच्याविरोधात भारतीय न्याय संहितेच्या कलम 352, 351 (3) आणि 109 अंतर्गत गुन्हा नोंदवून त्याला अटक केली आहे. याचा अधिक तपास सुरू आहे.