WhatsApp new feature scheduled calls rollout
व्हॉट्सॲपने आपल्या युजर्ससाठी एक नवी आणि बहुप्रतिक्षित सुविधा आणली आहे, ती म्हणजे ‘शेड्यूल कॉल्स’! आता व्हॉट्सॲपवर ग्रुप किंवा वैयक्तिक कॉल्स अगोदरच ठरवता येणार आहेत, ज्यामुळे संवाद अधिक सुलभ आणि नियोजित होणार आहे.
व्हॉट्सॲप (Whatsapp) युजर्सना आता कोणत्याही ग्रुपमध्ये किंवा वैयक्तिक चॅटमध्ये कॉलची वेळ ठरवता येणार आहे. कॉल सुरू होण्याच्या आधी सर्वांना सूचना मिळेल, त्यामुळे कोणतीही गडबड किंवा मिस्ड कॉल्सची चिंता नाही. मेटा कंपनीने सांगितले आहे की, हे फीचर जगभरातील सर्व युजर्सना टप्प्याटप्प्याने मिळणार आहे.
शेड्यूल केलेले कॉल्स पूर्णपणे सुरक्षित असतील, म्हणजेच तुमचा संवाद गोपनीय राहणार असल्याचे देखील व्हॉट्अॅपची पेरेंट कंपनी मेटाने स्पष्ट केले आहे.
कॉल्स टॅबमध्ये सुधारणा: युजर्सना आता कॉल्स टॅबमध्ये येणाऱ्या कॉल्सची यादी, सहभागी सदस्यांची माहिती आणि कॉल जॉइन करण्यासाठी लिंक शेअर करण्याचा पर्याय मिळेल.
इमोजी रिअॅक्शन आणि 'हात वर' करण्याचा पर्याय: कॉल दरम्यान युजर्सना इमोजीने प्रतिक्रिया देता येईल किंवा 'हात वर' करून आपली उपस्थिती दाखवता येईल.
युजर इंटरफेसमध्ये बदल: कॉल्सचे व्यवस्थापन अधिक सोपे आणि आकर्षक झाले आहे.
हे फीचर व्हॉट्सॲपला Google Meet, Microsoft Teams, Zoom यांसारख्या व्हिडिओ-कॉन्फरन्सिंग प्लॅटफॉर्मशी थेट स्पर्धा करण्यास सक्षम करेल. यामुळे व्हॉट्सॲप केवळ मेसेजिंगच नव्हे, तर व्यावसायिक आणि कौटुंबिक संवादासाठीही अधिक उपयुक्त ठरणार आहे.
AI-पावर्ड 'Writing Help' फीचर: व्हॉट्सॲपने नुकतेच बीटा व्हर्जनमध्ये 'Writing Help' नावाचे AI फीचर आणले आहे, जे युजर्सना मेसेज लिहिताना योग्य शब्दरचना, व्याकरण सुधारणा आणि टोन बदलण्याचे पर्याय देते.
स्टेटसमध्ये जाहिराती: जूनमध्ये व्हॉट्सॲपने स्टेटस फीचरमध्ये जाहिराती आणण्याची घोषणा केली होती. मात्र, वैयक्तिक चॅट किंवा कॉल्समध्ये जाहिराती दाखवण्यात येणार नाहीत.
कौटुंबिक संवाद, व्यावसायिक मीटिंग्स अधिक नियोजित: आता कोणतीही महत्वाची चर्चा किंवा मीटिंग विसरण्याची शक्यता नाही.
सुरक्षितता आणि गोपनीयता: संवाद पूर्णपणे सुरक्षित आणि एन्क्रिप्टेड.
व्हॉट्सॲपच्या या नव्या अपडेटमुळे डिजिटल संवादाचा अनुभव आणखी स्मार्ट आणि सोपा होणार आहे. युजर्सना आता संवाद नियोजित करण्याची मुभा मिळणार असून, व्हॉट्सॲपचा वापर अधिक व्यावसायिक आणि कौटुंबिक गरजांसाठी होईल, हे निश्चित!