भारतात मोबाईल पेमेंटची क्रांती घडवणाऱ्या पेटीएमने (Paytm) आपल्या वापरकर्त्यांसाठी काही नवीन आणि अत्यंत उपयुक्त फीचर्स आणले आहेत. QR कोड आणि साउंडबॉक्ससारख्या तंत्रज्ञानाने लोकांच्या डिजिटल व्यवहाराची पद्धत बदलणाऱ्या पेटीएमने आता वापरकर्त्यांची सोय आणि सुरक्षितता लक्षात घेऊन आणखी काही नवीन सुविधा सादर केल्या आहेत.
एक 'टेक्नॉलॉजी-फर्स्ट' आणि विश्वासार्ह UPI पेमेंट प्लॅटफॉर्म म्हणून, पेटीएम सतत नवनवीन प्रयोग करत असते, जेणेकरून लोकांना दैनंदिन पेमेंटमध्ये सुलभता आणि सुरक्षितता मिळावी. कंपनीच्या पाच नवीन प्रोडक्ट्समुळे हे ॲप भारतातील सर्वोत्तम UPI ॲप्सपैकी एक बनले आहे, कारण यात वापरकर्ते आणि दुकानदार दोघांच्याही गरजा पूर्ण करणारे अनेक फीचर्स आहेत. चला तर मग जाणून घेऊया या पाच खास फीचर्सबद्दल.
हे या क्षेत्रातील पहिलेच असे प्रायव्हसी फीचर आहे, ज्यामुळे वापरकर्ते त्यांच्या पेमेंट हिस्ट्रीमधून कोणताही विशिष्ट UPI व्यवहार लपवू किंवा पुन्हा पाहू शकतात. भेटवस्तू, वैयक्तिक खर्च किंवा गोपनीय ट्रान्सफर यांसारखे संवेदनशील पेमेंट गुप्त ठेवण्यासाठी हे फीचर खूप उपयुक्त आहे. लपवलेले व्यवहार 'बॅलन्स अँड हिस्ट्री'मधून काढून एका सुरक्षित 'व्ह्यू हिडन पेमेंट्स' (View Hidden Payments) सेक्शनमध्ये हलवले जातात, जे वापरकर्ते केवळ ऑथेंटिकेशननंतरच पाहू शकतात.
आता तुम्ही पेटीएमवर तुमच्या UPI व्यवहारांचे स्टेटमेंट PDF किंवा Excel फॉरमॅटमध्ये डाउनलोड करू शकता. यामुळे खर्चांचा हिशोब ठेवणे, बजेट तयार करणे आणि अकाउंटिंग करणे खूप सोपे होते. हे फीचर वैयक्तिक आणि व्यावसायिक दोन्ही गरजांसाठी फायदेशीर आहे.
पेटीएमवर तुम्ही तुमच्या आवडीचा UPI आयडी तयार करू शकता, जसे की name@ptyes किंवा name@ptaxis. यामुळे पेमेंट करताना मोबाईल नंबर शेअर करण्याची गरज नाही. याद्वारे तुमची गोपनीयता जपली जाते आणि व्यवहाराची पद्धत अधिक सोपी आणि सुरक्षित होते.
पेटीएम तुम्हाला केवळ एकाच बँक खात्याची नाही, तर तुम्ही UPI शी लिंक केलेल्या सर्व बँक खात्यांमधील शिल्लक (Balance) एकाच ठिकाणी पाहण्याची सुविधा देते. यामुळे तुम्हाला वेगवेगळ्या बँकिंग ॲप्समध्ये पुन्हा-पुन्हा लॉग इन करण्याची गरज भासत नाही आणि तुमच्या पैशांवर तुमचे पूर्ण नियंत्रण राहते.
पेटीएमने 'Receive Money QR' विजेट सादर केले आहे. यामुळे टॅक्सी चालक, डिलिव्हरी एजंट किंवा फ्रीलांसर्स आपला पेटीएम QR कोड थेट फोनच्या होम स्क्रीनवर ठेवू शकतात. यामुळे पेमेंट स्वीकारणे खूप सोपे आणि जलद होते, कारण त्यासाठी ॲप उघडण्याचीही गरज पडत नाही.
याशिवाय, पेटीएमने UPI Lite साठी 'ऑटो टॉप-अप' (Auto Top-Up) फीचर देखील सुरू केले आहे. यामुळे जेव्हाही बॅलन्स कमी होईल, तेव्हा लिंक केलेल्या बँक खात्यातून आपोआप पैसे टॉप-अप होतील. यामुळे रोजचे छोटे-मोठे व्यवहार न थांबता सुरू राहतील आणि बँक स्टेटमेंटही अनावश्यक नोंदींपासून दूर राहील.