वॉशिंग्टन; वृत्तसंस्था : राष्ट्राध्यक्ष निवडणुकीत मला निवडून न दिल्यास देशात रक्तपात होईल, असे खळबळजनक वक्तव्य माजी राष्ट्राध्यक्ष डोनाल्ड ट्रम्प यांनी केले आहे. ओहोओ राज्यात आयोजित केलेल्या रिपब्लिकन पक्षाच्या एका निवडणूक रॅलीला ते संबोधित करत होते.
ट्रम्प म्हणाले की, 5 नोव्हेंबर ही तारीख लक्षात ठेवा. अमेरिकेच्या इतिहासातील ही एक महत्त्वाची तारीख असल्याचे मला वाटते. 2020 मधील राष्ट्राध्यक्ष निवडणूक निकाल ज्यांना मान्य नाही त्यांचे मी कौतुक करतो आणि त्यानंतर त्यांनी 6 जानेवारी 2021 मध्ये अमेरिकेच्या संसदेवर हल्लाबोल केला होता. अन्य देशांतून अमेरिकेत येणारे शरणार्थी हे माणूस नसून जनावरे आहेत. जो बायडेन आतापर्यंत सर्वात वाईट राष्ट्राध्यक्ष, तर आहेतच शिवाय ते मूर्खही आहेत.