निपाणी : गुरुवार पेठ येथील जुन्या काळातील घराला गुरुवारी सायंकाळी शॉर्टसर्किटमुळे आग लागून सुमारे 2 लाखांचे नुकसान झाले. ही घटना गुरुवारी सायंकाळी घडली.
हेमंत हात्रोटे यांच्या मालकीचे जुन्या काळातील लाकडी कडीपाटाचे दुमजली घर आहे. ते त्यांनी सराफ व्यावसायिक व सोन्याची कलाकुसर करणाऱ्या बंगाली कारागीरांना भाडेतत्त्वावर दिले आहे. गुरुवारी सायंकाळी दुसऱ्या मजल्यावर रूममध्ये अचानकपणे शॉर्टसर्किट झाल्याने आग भडकली. गुरुवार आठवडी बाजाराचा दिवस असल्याने व आगीचे ठिकाणही मुख्य चौकात असल्याने घटनास्थळी नागरिकांनी मोठी गर्दी केली होती.
घटनेची माहिती मिळतात अग्निशमन दलाचे निरीक्षक एल. एस. नांगनुरे यांनी बंबासह घटनास्थळी धाव घेऊन आगीवर नियंत्रण आणले. आगीत 2 लाखांचे नुकसान झाले.