खानापूर : खानापूर शहरातील मुस्लिम निंगापूर गल्लीतील युवकाचा नेपाळमध्ये त्याच्याच रूम पार्टनरने चाकूने वार करून खून केल्याची धक्कादायक घटना शुक्रवारी (दि. १०) पहाटेच्या सुमारास घडली. या घटनेमुळे खानापूर शहरात शोककळा पसरली असून, मृताच्या कुटुंबावर दुःखाचा डोंगर कोसळला आहे.
साहिल रियाजअहमद मोमीन (वय २५) असे युवकाचे नाव असून, या प्रकरणी सद्दाम हुसेन (मूळ रहिवासी उत्तर प्रदेश) याच्यावर खून केल्याचा संशय व्यक्त करण्यात आला आहे. घटनेनंतर संशयित फरार झाला आहे.