बंगळूर : कौटुंबिक वादातून एका सिव्हिल इंजिनिअरने आपल्या पत्नीचा गळा दाबून खून करून स्वताही आत्महत्या केली असल्याची धक्कादायक घटना रविवार दि. १६ रोजी हेग्गनहळ्ळी राजेश्वरीनगर बंगळूर येथे घडली आहे.
सुमंत (वय ३२) व त्यांची पत्नी पद्मावती (वय २९,रा. हुब्बळी) अशी त्यांची नावे आहेत. त्यांचे लग्न चार वर्षांपूर्वी झाले होते. सध्या ते हेगनहळ्ळी येथील एका भाडोत्री घरात राहत होते.
मिळालेल्या माहितीनुसार या दाम्पत्यांमध्ये काही कारणाने जोरदार वाद झाला. या वादाचे रूपांतर हाणामारीत झाले. यावेळी सुमंत याने पत्नी पद्मावतीच्या चेहऱ्यावर उशीने दाबत तिचा खून केला. दरम्यान पद्मावतीचा श्वास थांबल्याचे लक्षात येताच सुमंतने तात्काळ आपल्या आईला फोन करून घटनेची माहिती देत मी सुद्धा आत्महत्या करत असल्याचा संदेश पाठवला.