विजापूर : शहराबाहेरील सोलापूर रस्त्यावरील राष्ट्रीय महामार्ग क्र. ५० वर ट्रक आणि दुचाकी यांच्यात झालेल्या भीषण अपघातात दुचाकीवरील २ युवकांचा जागीच मृत्यू झाला. या घटनेत पादचारी युवक जखमी झाला आहे. भूषण नायक (वय २४) आणि गगन परमेश (वय १९) अशी मृतांची नावे आहेत.
अपघातात जखमी झालेल्या बिलाल जातगार यांना तातडीने स्थानिक रुग्णालयात दाखल करण्यात आले असून त्यांच्यावर उपचार सुरू आहेत. अपघातानंतर ट्रकचालकाने वाहन घटनास्थळीच सोडून पलायन केले. घटनेची माहिती मिळताच रहदारी पोलिसांनी घटनास्थळी धाव घेऊन पाहणी केली. फरार ट्रकचालकाचा शोध सुरू आहे. या घटनेची नोंद विजापूर वाहतूक पोलिस ठाण्यात झाली असून पुढील तपास सुरू आहे.