गोकाक : आलिशान कारचालकाकडे गाडीत परवाना संपलेल्या पिस्तूलसह सुमारे 27 लाखांचा मुद्देमाल आढळल्याची घटना गोकाक शहरात घडली. शहरातील बसवेश्वर सर्कलमध्ये शहर पोलिस ठाण्याचे उपनिरीक्षक किरण मोहिते यांनी संशय आल्याने एका कारचालकाला थांबवून चौकशी केली.
या काळ्या रंगाच्या कारवर लाच लुचपत विभागाच्या नामफलकाचा उल्लेख होता. कारचालकाचे रमेश लकाप्पा केसरगोप्प उर्फ चव्हाण (वय 52, रा. महालिंगपूर, ता. रबकवी बनहट्टी, जि. बागलकोट) असे नाव आहे. त्याच्याकडील एक लाख 20 हजार किंमतीचा मोबाईल, 1 लाख 10 हजाराचा आयफोन मोबाईल व रोख रक्कम तसेच 20 ते 25 लाखांची कार जप्त करण्यात आले.