बेळगाव : पुढारी वृत्तसेवा
बस आणि कार मध्ये झालेल्या भीषण अपघातात चार जणांचा जागीच मृत्यू झाला. ही घटना गदग जिल्ह्यातील कोन्नुर येथे आज (रविवार) पहाटेच्या सुमारास घडला. रुद्रापा अंगडी (वय 55), पत्नी राजेश्वरी (45), मुलगी ऐश्वर्या (16), मुलगा विजय (12) अशी अपघातात मृत झालेल्यांची नावे आहेत. (Gadag Accident)
कल्लपूर येथील बसवेश्वर देवस्थानाचे दर्शन घेऊन हुबळीला परतणाऱ्या कारणे परिवहन मंडळाच्या बसला जोराची धडक दिल्याने हा अपघात झाला. नरगुंद पोलिस स्थानकात घटनेची नोंद झाली असून, घटनास्थळी पोलिस पोहोचले आहेत.