बंगळूर : बंगळूर महानगर पोलिसांनी गुरुवारी (दि. 16) केलेल्या कारवाईत सुमारे 23.6 कोटी रुपये किंमतीचे अमली पदार्थ जप्त केले आहेत. या प्रकरणी पोलिसांनी चार परदेशी नागरिकांसह एकूण दहाजणांना अटक करण्यात आली आहे.
त्यात परराज्यातीलही काहीजणांचा समावेश आहे. शहरातील नामांकित महाविद्यालयांतील विद्यार्थी, आयटी-बीटी कर्मचारी व श्रीमंत तरुणांना लक्ष्य करून ते अमली पदार्थांची विक्री करत होते. गेल्या काही आठवड्यांपासून येलहंका न्यू टाऊन, डीजे गल़्ली, बनसवाडी, कोरमंगल, बोम्मनगल्ली, व पुलिकेशी हद्दीत कारवाया करण्यात आल्या आहेत. अटक केलेल्या दहाजणांपैकी चार परदेशी, दोन स्थानिक व चारजण राज्याबाहेरील आहेत.