चिकोडी : शहरातील हरिनगर येथील नगरपालिकेच्या पोहण्याच्या तलावात पोहायला शिकत असताना एका तरुणाचा पाण्यात बुडून मृत्यू झाल्याची घटना शुक्रवारी संध्याकाळी घडली आहे.
महेश मल्लप्पा बाडकर (वय २४, रा. केस्ती, ता. हुक्केरी) असे मृत तरुणाचे नाव आहे. पोहण्याच्या तलावात पोहत असताना ही दुर्घटना घडल्याची माहिती पोलिसांनी दिली आहे. चिक्कोडीचे पीएसआय बसनगौडा नेर्ली यांनी घटनास्थळाला भेट दिली. याप्रकरणी चिकोडी पोलीस ठाण्यात गुन्हा दाखल करण्यात आला आहे.