बेळगाव : सुमारे ७० हजार रूपये किंमतीच्या गांजासह दोघा संशयितांना अटक केली. सीसीबी पोलिसांनी भाग्यनगर येथे ही कारवाई केली. कृष्णा गजानन पाटील (वय २४, रा. पापामळा, शिवाजी कॉलनी, टिळकवाडी) व रूपेश सुधीर शिंदे (वय २६, रा. नवी गल्ली, शहापूर) अशी संशयितांची नावे आहेत.
याबाबत माहिती अशी की, उपरोक्त दोघे संशयित अनगोळ-वडगाव रस्त्यावरील संतमीरा शाळेजवळील भाग्यनगर पाचवा क्रॉस परिसरात अंमली पदार्थ विकत असल्याची माहिती सीसीबीचे पोलीस निरीक्षक मंजुनाथ नाईक यांना मिळाली. त्यांनी आपले सहकारी उपनिरीक्षक मंजुनाथ बजंत्री व अन्य सहकाऱ्यांसह जाऊन तेथे छापा टाकला असता दोघांकडे १ किलो ३४६ ग्रॅम गांजा आढळून आला.
पोलिसांनी गांजा व लाख रूपये किंमतीची दुचाकी असा १ लाख ७० हजाराचा मुद्देमाल जप्त केला. या दोघांवर टिळकवाडी पोलिसांत गुन्हा दाखल झाला असून पुढील तपास निरीक्षक परशुराम पुजेरी करत आहेत.