बेळगाव : सात मोटरसायकलींसह एक मोपेड अशा आठ दुचाकी जप्त करुन त्या चोरणाऱ्या संशयिताला उद्यमबाग पोलिसांनी अटक केली. त्याच्याकडून जप्त केलेल्या या सर्व दुचाकींची किंमत सुमारे २ लाख ६५ हजार रुपये होते.
रियान इम्तियाज शेख ऊर्फ रमेश अर्जुन शिंदे (वय ३३, चौथा क्रॉस, झटपट कॉलनी अनगोळ) असे संशयिताचे नाव आहे. तो मुस्लीम समाजाचा तरुण असून त्याने दोन नावे धारण केल्याचे पोलिस तपासात स्पष्ट झाले आहे.
याबाबत माहिती अशी की, उद्यमबागचे निरीक्षक महांतेश होसपेटी व त्यांचे सहकारी गस्तीवर असताना संशयावरुन उपरोक्त तरुणाला ताब्यात घेतले होते. त्याची कसून चौकशी केली असता त्याने शहर परिसरातून दुचाकी चोरल्याचे स्पष्ट झाले. त्याच्यावर गुन्हा दाखल करुन सर्व दुचाकी जप्त केल्या आहेत.