बेळगाव : महामार्ग ओलांडताना अज्ञात वाहनाने धडक दिल्याने तरुण ठार झाला. मंगळवारी (दि. १२) दुपारी बाराच्या सुमारास वंटमुरी घाटात हा अपघात झाला. रुपेशकुमार गुप्ता (३०, मूळ रा. उत्तरप्रदेश, सध्या रा. काकती) असे मृताचे नाव आहे.
सदर तरुण फरशी फिटिंगचे काम करत होता. दुपारी तो महामार्ग ओलांडून पलीकडे जात होता. यावेळी संकेश्वरहून भरधाव आलेल्या वाहनाने त्याला जोराची धडक दिल्याने तो जागीच ठार झाला. हे वाहन कोणते हे अद्याप स्पष्ट झालेले नाही. शिवाय या तरुणाच्या कुटुंबीय उत्तर प्रदेशहून येणार असल्याने याची अद्याप काकती पोलिसांनी नोंद करुन घेतलेली नाही.