पुढारी ऑनलाईन डेस्क : बिग बॉस 17 च्या घरात चर्चेत असलेली अभिनेत्री अंकिता लोखंडे बिग बॉस सीझन 17 मध्ये घराची नवी कॅप्टन बनली आहे. अभिनेत्रीने अलीकडेच कर्णधारपदाची जबाबदारी स्वीकारली आहे. अंकिताच्या बुद्धिमत्तेमुळे आणि प्रामाणिकपणामुळे तिचं बिग बॉस च्या घरात कौतुक होतंय.
तिला लक्झरी रूम ऍक्सेस आणि टास्क असाईनमेंटमध्ये अधिकार यासारख्या विशेष अधिकारांच्या सोबतीने हे कर्णधारपद मिळाले आहे. पती विकी, ईशा मालवीय आणि नील भट्ट यांनी तिचा विजय साजरा केला. तर इतर स्पर्धकांनी ऑन-कॅमेरा टिप्पण्यांद्वारे त्यांची नाराजी व्यक्त केली. अंकिताने तिच्या उपस्थितीने आजवर सगळ्यांना मोहीत केलं आहे. अंकिता विक्कीसोबत ती नवीन कॅप्टन बनली असून आता ती जबाबदारी आणि आव्हाने कशी हाताळते हे पाहणे मनोरंजक ठरणार आहे.