'देवमाणूस'मधील अपर्णाची भूमिका साकारणारी अभिनेत्री आहे तरी कोण?
मुंबई : पुढारी ऑनलाईन
अभिनेत्री, निर्माती श्वेता शिंदेची छोट्या पडद्यावरील मालिका ‘देवमाणूस’ अल्पावधीत लोकप्रिय बनली आहे. डॉक्टरातला देवमाणूस शोधणाऱ्या गावकऱ्यांच्याच डोळ्यात धूळ फेकणाऱ्या एका क्रूर डॉक्टराच्या आयुष्यावर आधारीत ही मालिका आहे. या मालिकेत डॉक्टर अजित कुमार देव हा अपर्णा नावाच्या मुलीला आपल्या जाळ्यात अडकवतो. तुम्हाला माहिती आहे का, ही अपर्णाची भूमिका साकारणारी ही तरुणी कोण आहे?
अपर्णाचे खरे नाव ऐश्वर्या नागेश असे आहे. ती मुळची चिपळूणची असून तिने डीबीजे महाविद्यालयात शिक्षण घेतले आहे. तर आर सी काळे हायस्कूल पेढे परशुराम येथून शालेय शिक्षण घेतले आहे.
तिने नाटकांमध्येही काम केलं आहे. ‘असंही घडू शकते’ या नाटकात ती झळकली होती.
शिवाय, तिने अनेक एकांकिका केल्या आहेत.
अनेक कथाकथन, मॉडेलिंग स्पर्धा तिने जिंकल्या आहेत.
# ही टू नावाच्या शॉर्टफिल्ममध्ये (२०१८) तिने काम केलं आहे. यामध्ये तिची मुख्य भूमिका होती.
सध्या ऐश्वर्या देवमाणूस या सत्य घटनेवर आधारित मालिकेत काम करत आहे.
यामध्ये तिची अपर्णाची भूमिका आहे.
सर्व फोटो- Aishwarya Nagesh facebook वरून साभार