Mon, Jan 18, 2021 20:29




तेरा लाख मतदार ठरविणार ६८७ गावाचे कारभारी, ५१३५ उमेदवारांचे भवितव्य होणार निश्‍चित

Last Updated: Jan 14 2021 6:38PM




जळगाव : पुढारी वृत्तसेवा

जिल्ह्यात मुदत संपुष्टात आलेल्या ग्रामपंचायतींसाठी सार्वत्रिक निवडणूक मतदान प्रकिया घेण्यात येत आहे. जिल्ह्यात १३ हजार, २४७ उमेदवार निवडणूकीचे बाशिंग बांधून उभे आहे. या निवडणूक मतदानात जिल्ह्यातील ६८७ गावाच्या कारभार्‍यांची निवड १३ लाख, ४ हजार, ९२३ मतदार मतदान करणार आहेत. त्यामुळे जिल्ह्यातील पारांवर सध्या काय होणार बाशिंग बांधून उभे राहिलेल्या उमेदवारांचे? अशीच जोरदार चर्चा रंगली आहे.  
जिल्ह्यातील ७८३ ग्रामपंचायतींतील ७२१३ सदस्य पदांसाठी सार्वत्रिक निवडणूकीद्वारा मतदान घेण्यात येत आहे. (Voting is being held today for 7213 member posts in 783 gram panchayats of the district through general elections) यात ९२ ग्रामपंचायतींतील २००३ सदस्य बिनविरोध निवडले गेले आहेत. त्यामुळे उर्वरित ५१३५ सदस्यांसाठी २४१५ मतदान केंद्रांवर मतदान प्रकिया घेतली जात आहे.  

तालुकास्तरावरून १५ हजार कर्मचारी नियुक्त करण्यात आले आहेत. तसेच मतदान प्रकियेसाठी २ हजार ८९८ इव्हीएम बॅलेट युनिट ग्रामीण पातळीवर आज रवाना करण्यात आले आहेत. मतदान साहित्य घेऊन जाताना कर्मचार्‍यांची मोठ्या प्रमाणावर धावपळ दिसून येत होती. मतदानपूर्व प्रशिक्षण आणि इव्हीएम सिलींग प्रक्रिया तालुकास्तरावर यापूर्वीच घेण्यात आली होती. त्यानुसार इव्हीएम, कंट्रोल युनिट, मतदान शाई आदी साहित्य जमा करून ते नेमून दिलेल्या मतदान केंद्रावर सर्व साहित्य घेवून जाण्यासाठी ग्रा.पं.निहाय टेबल लावण्यात आले होते. जळगाव शहरात नूतन मराठा महाविद्यालय प्रांगणात व्यवस्था करण्यात आली होती.

जळगाव तालुक्यात ४३ ग्रामपंचायतींच्या ४६३ जागापैकी ३ ग्रामपंचायती बिनविरोध झालेल्या आहेत. उर्वरित ४० ग्रामंचायतीच्या ४०४ सदस्यांसाठी मतदान घेण्यात येत आहे. या मतदान प्रकियेसाठी इव्हीएम बॅलेट युनिट आदी साहित्य वितरणासाठी स्कूल बसेससह खाजगी वाहने अधिग्रहित करण्यात आले आहेत. या बसेसद्वारा मतदान केंद्रांवर मतदान साहित्य रवाना करण्यात आल्याची माहिती जळगाव तहसिलदार तथा निवडणूक अधिकारी नामदेव पाटील यांनी दिली.

निवडणूक रिंगणात असलेले सदस्य १३,२४७

ग्रामपंचायती -   ७८३    निवडणूक लढविणारे सदस्य ७२१३

प्रभाग - २६७०                     मतदान केंद्र २४१५

नामनिर्देशन अप्राप्त ५५      निवडणूक न होणार्‍या ग्रा.पं.२

बिनविरोध ९२                  बिनविरोध सदस्य    २००३

मतदान होणार्‍या ग्रा.पं.६८७  निवडीसाठी सदस्य   ५१५५

मतदान प्रक्रियेसाठी नियुक्त कर्मचारी-१५हजार.
 
तालुका                                     मतदार   

                            महिला        पुरूष         इतर         एकूण
जळगाव                ५१८३८       ५६५९७          १            १०८४३६
जामनेर                 ६४४७८       ६९७०४          -            १३४१८३
धरणगांव               २९५३६       ३१८४४          -              ६१३८०  
एरंडोल                 ३०७५३        ३३६७७         -             ६४४३०
पारोळा                 ३४१६६        ३६४५१          १            ७०६१८
भुसावळ                ३२२४८        ३५६१०           -            ६७८५८
मुक्ताईनगर           ३१७९९         ३९१०१            -            ७६३००
बोदवड                 १६७०८         १७८१२           -            ३४५२०
यावल                   ४५५३३         ४९४९४          -           ९५०२७
रावेर                     ४०१७२         ४३३५२          -            ७६३००
अमळनेर               ३२८६४         ३५४०७          -           ६८२७१
चोपडा                   ४१७५८         ४३७००         -           ८५४५८
पाचोरा                  ७३७२८         ८१००४         ६          १५४७३८
भडगांव                 २६२१३          २८०५५        -          ५४२६८
चाळीसगांव           ६८८१३          ७७०९७        २        १४५९१२

एकूण                ६२६००७          ६७८९०६      १०      १३०४९२३