Wed, Aug 12, 2020 00:02



होमपेज › Mumbai-Thane-Raigad › वृद्ध साहित्यिक, कलावंतांना २ महिन्यांचे मानधन अदा 

वृद्ध साहित्यिक, कलावंतांना २ महिन्यांचे मानधन अदा 

Last Updated: Jul 16 2020 5:02PM




मुंबई : पुढारी वृत्तसेवा

राज्यातील सुमारे २८ हजार वृद्ध कलावंत आणि साहित्यिकांना सांस्कृतिक कार्य विभागातर्फे २ महिन्यांचे मानधन अदा करण्यात आले आहे. दरमहा अदा करण्यात येणाऱ्या मानधनापैकी मार्च व एप्रिल महिन्यांचे मानधन एकत्रितपणे अदा करण्यात येणार आहे. येत्या आठवड्याभरात ते संबंधितांच्या बँक खात्यात जमा होईल, अशी माहिती राज्याचे सांस्कृतिक कार्यमंत्री अमित देशमुख यांनी दिली आहे.

राज्यातील वृद्ध कलावंत व साहित्यिकांना १९५५-५६ पासून अ, ब व क या वर्गीकरणानुसार मासिक मानधन दिले जाते. कोविड संसर्गाच्या पार्श्वभूमीवर उर्वरित मानधनसुद्धा लवकरात लवकर एकत्रितपणे अदा करण्याची विनंती वित्त विभागाला करण्यात आली आहे. राज्याचा सांस्कृतिक कार्य विभाग कलाकारांच्या अडचणी जाणून त्यांच्या पाठीशी यापुढेही समर्थपणे उभा राहील आहे, असेही सांस्कृतिक कार्य मंत्र्यांनी कलावंत आणि साहित्यिकांना आश्वस्त केले आहे.