उत्तराखंड : मसुरीमध्ये कार डोंगरावरून खाली कोसळली, ५ जणांचा मृत्यू

पुढारी ऑनलाईन डेस्क : उत्तराखंडमधील मसुरी-डेहराडून मार्गावरील झारीपाणीजवळ कार डोंगरावरून खाली कोसळली. यात ५ जणांचा मृत्यू झाला तर १ मुलगी गंभीर जखमी आहे. चालकाचे कारवरील नियंत्रण सुटल्याने हा भीषण अपघात झाला.

चुनाखल-झारीपाणी रस्त्यावरील कमल कॉटेजजवळ आज (दि. ४) पहाटे ५ वाजण्याच्या सुमारास ही घटना घडली. डेहराडूनमधील एका शैक्षणिक संस्थेचे सहा विद्यार्थी फोर्ड एंडेव्हर गाडीतून प्रवास करत होते. चुनाखलजवळ चालकाचे कारवरील नियंत्रण सुटल्याने कार वरच्या लेनमधून डोंगरातून खाली रस्त्यावर पडली. कारमध्ये चार तरुण आणि दोन मुली असे सहाजण प्रवास करत होते. त्यापैकी ५ जणांचा मृत्यू झाला तर १ मुलगी गंभीर जखमी आहे.

हेही वाचा : 

• विवाहित महिलेच्या प्रियकरानं तिच्या घरी बॉम्बचं पार्सल पाठवलं; स्फोटात नवरा,…
• हरदीपसिंग निज्जरच्या हत्येप्रकरणी तीन भारतीयांना अटक