इजिप्तचे राष्ट्रपती अल-सिसी यांची आज पंतप्रधान मोदींसोबत महत्त्वपूर्ण बैठक
पुढारी ऑनलाईन डेस्क : प्रजासत्ताक दिनाचे प्रमुख पाहुणे इजिप्तचे राष्ट्राध्यक्ष अब्देल फताह अल सिसी यांचे आज राष्ट्रपती भवनात आगमन झाले. राष्ट्रपती द्रौपदी मुर्मू आणि पंतप्रधान नरेंद्र मोदी यांनी राष्ट्रपती भवनात त्यांचे स्वागत केले. राष्ट्राध्यक्ष अल सिसी आणि पंतप्रधान नरेंद्र मोदी यांच्यात आज महत्त्वपूर्ण चर्चा होणार आहे. ज्यामध्ये व्यापार, संरक्षण यासह अनेक महत्त्वाच्या मुद्द्यांवर चर्चा होणार आहे.
प्रजासत्ताक दिनाचे प्रमुख पाहुणे म्हणून इजिप्तचे राष्ट्राध्यक्ष अब्देल फताह अल सिसी भारत दौऱ्यावर आले आहेत. ते उद्या प्रजासत्ताक दिनाचे प्रमुख पाहुणे म्हणून उपस्थित राहणार आहेत. हैदराबाद हाऊसमध्ये पंतप्रधान मोदी आणि इजिप्तचे राष्ट्राध्यक्ष अब्देल फताह अल सिसी यांच्यात महत्त्वपूर्ण बैठक होणार आहे. या बैठकीत दोन्ही देशांमध्ये स्थानिक चलनात व्यवसाय करण्याबाबत चर्चा होऊ शकते. याशिवाय संरक्षणाबाबत सहकार्य वाढविण्यावरही चर्चा होऊ शकते. इजिप्तने भारताकडून अनेक संरक्षण उपकरणे आणि युद्ध विमाने खरेदी करण्यात स्वारस्य दाखवले आहे. दोन्ही देशांमध्ये युद्ध विमानांचे इंजिन एकत्र बनवण्‍यासाठीच्या सहकार्यावरही चर्चा होऊ शकते. बैठकीत दोन्ही देशांमध्ये सहा करार होण्याची शक्यता आहे.
Prime Minister Narendra Modi meets Egyptian President Abdel Fattah El –Sisi at Hyderabad House in Delhi. pic.twitter.com/pKTkpZWfyV
— ANI (@ANI) January 25, 2023
#WATCH | Delhi: President Droupadi Murmu and Prime Minister Narendra Modi welcome Egyptian President Abdel Fattah El –Sisi at Rashtrapati Bhavan.
Egyptian President will attend the #RepublicDayParade as the Chief Guest. pic.twitter.com/pcUMbSgXPU
— ANI (@ANI) January 25, 2023
- भारतीय संस्कृतीचे मापदंड असणारे ‘श्यामची आई’ चिनी भाषेत; विद्यार्थिनीने केला अनुवाद
- Nana Patole : भाजप संविधान संपविण्याचा प्रयत्न करतय, त्याविरोधात…
- BBC Documentary Controversy: आणखी एका माजी मुख्यमंत्र्याच्या मुलाची काँग्रेसला सोडचिठ्ठी